Bronze Winged Jacana- നാടൻ താമരക്കോഴി

ഇന്ത്യയിലും തെക്ക് കിഴക്കൻ ഏഷ്യയിലും കണ്ടുവരുന്ന പക്ഷിയാണ് നാടൻ താമരക്കോഴി(ഇംഗ്ലീഷ്: Bronze-winged Jacana). ഈർക്കിലിക്കാലൻ,ചവറുകാലി എന്നീ പേരുകളിലും ഇത് അറിയപ്പെടുന്നു. ഇവയ്ക്ക് നീണ്ട വിരലുകളും നഖങ്ങളുമാണ്. താമരയും ആമ്പലും കുളവാഴയും മറ്റു ജലസസ്യങ്ങളും വളർന്നുനില്ക്കുന്ന ജലാശങ്ങളിൽ ഇവയെ കാണാം. നീണ്ടു മെലിഞ്ഞ കാലുകളും വിരലുകളും സസ്യങ്ങൾക്ക് മീതെ നടന്ന് ഇരതേടുന്നതിന് സഹായിക്കുന്നു. പച്ച കലർന്ന തവിട്ടുനിറത്തിലുള്ള ചിറകുകളും കറുത്ത തലയുള്ള വെളുത്ത പട്ടയും നാടൻ താമരക്കോഴിയെ തിരിച്ചറിയാൻ സഹായിക്കുന്നു. നല്ല പോലെ നീന്താനും മുങ്ങിയൊളിയ്ക്കാനും പറക്കാനും ഇവയ്ക്ക് കഴിവുണ്ട്. ജലസസ്യങ്ങളും ചെറുജീവികളുമാണ് ഭക്ഷണം.
മഴക്കാലത്താണ് കൂടുണ്ടാക്കുന്നത്. വെള്ളത്തിൽ പൊന്തിക്കിടക്കുന്ന താമരയിലയിലോ ആമ്പലിലയിലോ ആണ് മുട്ടയിടുന്നത്. മുട്ടയിടുന്ന കാലങ്ങളിൽ പ്ലീ..പ്ലീ..പ്ലീ എന്ന് ശബ്ദിച്ചുകൊണ്ടിരിക്കും. ഒരു സീസണിൽ നാലോ അഞ്ചോ മുട്ടകളിടുന്നു.
കൂടുണ്ടാക്കുന്നതു ആണും പെണ്ണും ഒരുമിച്ചാണ് (wikipedia)

White-Rumped Munia- ആറ്റക്കറുപ്പൻ

കേരളത്തിൽ കണ്ടു വരുന്ന ആറോ ഏഴോ ജാതി മുനിയകളിൽ സാധാരണ കൂടുതൽ കാണപ്പെടുന്ന ഒരു പക്ഷിയാണ് ആറ്റക്കറുപ്പൻ (White-rumped munia). ദക്ഷിണേഷ്യയ്ക്കു പുറമേ ചൈനയിലും ജപ്പാനിലും ആറ്റക്കറുപ്പനെ കാണാറുണ്ട്.

10-12 സെൻറീമീറ്റർ വലിപ്പം. കറുപ്പിനോടടുത്ത ഇരുണ്ട തവിട്ടു നിറവും മങ്ങിയ വെളുപ്പും മാത്രമാണ് ശരീരത്തിലെ നിറങ്ങൾ. തലയും പുറവും തവിട്ടു നിറം, പുറത്ത് വാലിനോടടുത്ത ഭാഗത്ത് ഒരു വെളുത്ത പട്ട കാണാം. നെഞ്ചു മുതൽ താഴോട്ട് ശരീരത്തിനടിഭാഗവും മങ്ങിയ വെളുപ്പ്, വാൽ കറുപ്പു നിറം. ത്രികോണാകൃതിയിലുള്ള വലിയ കൊക്ക് മുനിയ വർഗ്ഗത്തിലെ എല്ലാ കിളികളുടെയും പൊതു സവിശേഷതയാണ്

ധാന്യങ്ങളാണ് ആറ്റക്കറുപ്പന്റെ പ്രധാന ഭക്ഷണം. വിളഞ്ഞു നിൽക്കുന്ന പാടങ്ങൾക്കു സമീപം ചെറിയ കൂട്ടങ്ങളായി ഈ പക്ഷിയെ കാണാം. പനയുടെ പട്ടകൾക്കിടയിലും ഇത്തിൾക്കണ്ണിക്കൂട്ടങ്ങൾക്കിടയിലും മറ്റുമാണ് ആറ്റക്കറുപ്പൻ കൂടു കെട്ടാറ്‌. ധാന്യസംഭരണശാലകൾ, അവ വിൽക്കുന്ന കടകൾ ചന്തകൾ എന്നിവയുടെ പരിസരങ്ങളിലും ഇവ ധാരാളമായി കണ്ടു വരുന്നു. അഞ്ചോ ആറോ മുട്ടകളാണ് സാധാരണ ഇടാറ്‌.

കൃഷിസ്ഥലങ്ങളോടടുത്ത പ്രദേശങ്ങളാണ് ചേക്കേറാൻ തിരഞ്ഞെടുക്കാറുള്ളത്. പത്ത് അടി മുതൽ 25 അടിവരെ ഉയരമുള്ള ഇടങ്ങളിലാണ് ഇവ ചേക്കയിരിക്കുക. തെങ്ങിൻപ്പൂക്കുലത്തണ്ടുകൾ, ഇലകളില്ലാത്ത ചില്ലകൾ, ടെലഫോൺ കേബിളുകൾ, വൈദ്യുത കമ്പികൾ എന്നിവിടങ്ങളിൽ ഇവ അന്തിയുറങ്ങുന്നതു കാണാം

Indian Roller പനങ്കാക്ക

പനങ്കാക്ക (Indian Roller)
Punchakkari, Trivandrum 
Nov 30 , 2013

പനങ്കാക്ക (Coracias benghalensis)
-------------------------------------------------
റോളർ കുടുംബത്തിൽ പെടുന്ന പക്ഷിയാണ് ഇന്ത്യൻ റോളർ അഥവാ പനങ്കാക്ക (Coracias benghalensis) .

വയലുകളും പറമ്പുകളും ചരൽ‌പ്രദേശങ്ങളുമുൾപ്പെടുന്ന പ്രദേശങ്ങളിൽ ഇവ കാണപ്പെടുന്നു . ഇവയ്ക്കു ഏകദേശം പ്രാവിന്റെ വലിപ്പമുണ്ട് (26-28 സെന്റീ മീറ്റർ ). ഇവയുടെ ദേഹം തടിച്ചതും, തല വലിപ്പമുള്ളതും, വാൽ ചെറുതുമാണ്. പനങ്കാക്കയുടെ തല, കഴുത്ത്, ശരീരത്തിന്റെ മുകൾ‌ഭാഗം എന്നിവയ്ക്ക് തവിട്ട് നിറമാണ്. ചിറകുകളും ശരീരത്തിന്റെ അടിഭാഗവും ഇളം നീലനിറത്തിലാണ് കാണപ്പെടുന്നത്. പറക്കുന്ന സമയത്ത് ചിറകുകൾ കൂടുതൽ ഭംഗിയുള്ളതായി തോന്നും.ചിറകില്‍ കടും നീല നിറവുമുണ്ട് . കഴുത്തിലെ നീല നിറം കാരണം ഹിന്ദിയിൽ നീലകണ്ട എന്നാണു പേര് .പറക്കുന്ന രീതിയിലെ പ്രത്യേകത വളരെ രസകരമാണ് .

സാധാരണയായി ഈ പക്ഷികളെ തെങ്ങ്, പന, തുടങ്ങിയ വൃക്ഷങ്ങളുടെ മുകളിലായി കണ്ടുവരാറുണ്ട്. ടെലിഫോൺ കമ്പിത്തൂണുകൾ, വൈദ്യുതകമ്പികൾ, എന്നിവയിലും ഇവയെ കാണാം. പനങ്കാക്ക വളരെ ശ്രദ്ധയുള്ള പക്ഷിയാണ്. ഏതെങ്കിലും ഒരു ചെറിയ ജീവി ശ്രദ്ധയിൽ‌പ്പെട്ടാൽ മതി സാവധാനം താഴേക്ക് പറന്നു തുടങ്ങും. വലിയ ഇരയാണ് കിട്ടുന്നതെങ്കിൽ കല്ലിലോ മരത്തിലോ അടിച്ച് കൊന്നതിനു ശേഷമാണ് ഭക്ഷിക്കുക.

മാർച്ച്‌ മുതൽ ജൂണ്‍ വരെയാണ് പ്രജനന പ്രജനന കാലം . തെങ്ങ് , പന മുതലായ വൃക്ഷങ്ങളിലോ , ഉപേക്ഷിക്കപ്പെട്ട കെട്ടിടങ്ങളിലോ ആണ് സാധാരണ ആയി കൂട് കൂട്ടുക . മരം കൊത്തിയെ പോലെ മരം തുര ക്കുന്ന പക്ഷികൾ ഉണ്ടാക്കുന്ന ദ്വാരങ്ങളിലും ഇവ കൂട് കൂട്ടാറുണ്ട് . ഒരുസമയം മൂന്ന്‌ മുതൽ അഞ്ചു വരെ മുട്ടകളിടും. മൂന്നാഴ്ച കൊണ്ട് മുട്ട വിരിയും . ആണ്‍ കിളിയും പെണ്‍ കിളിയും അടയിരിക്കാറുണ്ട് .കാണാൻ ഭംഗിയുണ്ടെങ്കിലും കാക്കയെ പോലെ അത്ര സുഖകരമല്ലാത്ത ശബ്ദം ആണ് ഇവ ഉണ്ടാക്കുക.

കർണ്ണാടക, ബിഹാർ, ഒറീസ്സ, ആന്ധ്രാപ്രദേശ്‌ എന്നിവിടങ്ങളിലെ സംസ്ഥാനപക്ഷി കൂടിയാണ് പനങ്കാക്കസാധാരണയായി കൃഷിയിടങ്ങള്‍ക്കു സമീപത്തെ തെങ്ങിലും പനയിലുമൊക്കെ ഈ പക്ഷികളെ കാണാം. കാടുകളിൽ കാട്ടുപനങ്കാക്ക (ഡോളര്‍ ബേര്‍ഡ്) ഈ വര്‍ഗത്തില്‍പെട്ട പക്ഷിയാണ്. ഇത് ദേശാടന പക്ഷിയല്ല . കേരളത്തിൽ എല്ലായിടത്തും ഇവയെ കാണാറുണ്ട്..

Kingdom: Animalia
Phylum: Chordata
Class: Aves
Order: Coraciiformes
Family: Coraciidae
Genus: Coracias
Species: C. benghalensis